Melanie Baker: heldin van Beter vir haar hart

Melanie Baker, heldin van Beter vir haar hart, is sku vir die pers. Dis hoekom dit lekker is om saam met haar in haar strandhuis op Struisbaai te kuier. Die see is mooi (wanneer is dit nie?) en terwyl ons sit en gesels kan ons daaroor uitkyk.

 Romanza(R): Jy het na skool in parys, Frankryk gaan studeer. Wat het jy die meeste geniet van jou tyd in Parys?

Melanie (M): Parys se wonderlike atmosfeer het ek geniet. Die stad van romanse. En al die heerlike kos was to die for.

 (R): Wat is jou gunsteling-skilderstyl?

(M): Ek hou daarvan om natuurtonele te skilder. Soms vryhand, ander kere vanaf ’n mooi foto of poskaart. Maar net soms, as die muse my beetpak, skilder ek abstrak of mooi sensueel.

 (R): In watter kunsperiode so jy wou leef?

(M): My gunsteling-kunsperiode is die Romanticism periode wat plaas gevind het tussen 1800-1850. Oorspronklik van Brittanje wat versprei het deur Europa. Ek is mal oor die periode, want dis sterk emosionele kuns. Die woord romanse het dubbele betekenis in die geskiedenis.

 (R): Droom jy in swart en wit en kleur? En in watter taal droom jy?        

(M): Ek droom in kleur want kleur bring vrolikheid en blydskap mee. Die lewe is faal en depressief genoeg. In watter taal? Mmmm, in Afrikaans want dit is my lieflingtaal.

 (R): Wat’s jou gunstelingkleur?

(M): Ek is mal oor helder kleure. Gele, oranje, rooi maar soms wanneer ek vir die see sit en kyk hoe die gety in kom, is die blou en groen vir my so bekoorlik.

 (R): Wie is jou gunsteling kunstenaar?

(M): My gunsteling-kunstenaars is natuurlik Picasso en Leonardo da Vinci.

 (R): Is jy en Richard al besig met trouplanne?

(M): Ja! ’n Lekker kaalvoettroue op die strand met die wind in ons hare.

 

(R): Wat beplan julle vir die toekoms?

(M): Richard het sy eie maatskappy dus sal ons meer in die stad wees maar sal wel nog naweke en vakansies by Struisbaai kom uitspan. Daar is geen ander plek soos my baai, as ek dit so kan noem, nie. Dis hier waar ek vry voel en waar ek myself die beste kan wees.

Richard wil ook graag hê ek moet ’n ateljee open, maar ek besluit nog daaroor. En as die lewe dit toelaat, dalk kinders.

Dit was so lekker om met jou te gesels so in die hartjie van die winter. Die see kla net soos ek oor die koue maar ons mag nie kla nie want enige mens weet jy groei wanneer dit winter is.

 Lovies

Melanie 

 

Los 'n boodskap

Jou epos adres sal nie gepubliseer word nie.

U mag hierdie HTML tags en eienskappe gebruik:

<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>