LENTESKOOL VIR LIEFDESVERHAALSKRYWERS

Die ATKV-Skryfskool van die Noordwes-Universiteit, in samewerking met die liefdesverhaaluitgewer LAPA Uitgewers, bied van Donderdag 6 tot Saterdag 8 September 2018 ’n slypskool in die skryf van romantiese fiksie aan.

Hierdie slypskool van twee-en-’n-half dae, wat plaasvind op die Potchefstroomkampus van die Noordwes-Universiteit, is ʼn praktiese skolingsgeleentheid vir enigiemand wat ʼn liefdesverhaal wil skryf.

Romanseskrywers Didi Potgieter en Rosita Oberholster, LAPA Uitgewers se Cliffordene Norton en Zahn-Mishal Viviers, tesame met personeel van die ATKV-Skryfskool, gaan as aanbieders optree en fokus op die liefdesverhaal.

Kostes

Die koste vir hierdie slypskool is R2 750,00 per persoon. Dit sluit verblyf by die PUK Astro Villas (Selfsorgeenhede) vir 2 nagte, oggend- en middagverversings, middagetes en ’n funksie op Vrydag 15 September 2017 in.

Vereistes

Kursusgangers moet ’n eerste hoofstuk (tussen 3 000 en 5 000 woorde lank) van ’n liefdesroman aanstuur na Kobie.VanAswegen@nwu.ac.za voor Vrydag 1 September 2018.

Kompetisie

Die ATKV-Skryfskool bied in 2018 ook weer ’n kompetisie in die skryf van ’n liefdesnovelle aan. Die wenner hiervan sal die Lenteskool GRATIS kan bywoon. Vir meer inligting hieroor of oor die Lenteskool self, kan u skakel met Kobie van Aswegen by:

Navrae

Tel: 018 299 1783

Faks: 087 234 5006

kobie.vanaswegen@nwu.ac.za

Los 'n boodskap

Jou epos adres sal nie gepubliseer word nie.

U mag hierdie HTML tags en eienskappe gebruik:

<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>