alta

Alta Cloete (haar skryfnaam vir romanses is Marilé Cloete) het betreklik laat in haar lewe voluit begin skryf en nou is daar nie sprake van ophou nie. Skryf maak die leë nes (tot ’n mate) vol en hou depressie op ’n afstand. Skryf bring groot uitdagings, maar ook nuwe visie, nuwe energie, nuwe vriende en ongelooflike bevrediging.

Die afgelope dekade het sy meer as vyftig kortverhale, ’n paar rubrieke, vyftien romanses, sewe liefdesromans en twee verhoudingsromans die lig laat sien, asook ’n selfpublikasie oor depressie.

Alta is verheug om deel van die wonderlike oplewing in Afrikaanse ontspanningslektuur te wees en werk hard om dit op die internet te bevorder. Haar groepe Kom ons lees weer Afrikaans! en Afrikaanse boeke vir die jongklomp op Facebook het ten doel om potensiële lesers in te lig oor al die lieflike Afrikaanse boeke wat voortdurend verskyn.

By www.altacloete.wordpress.com blog sy ook heelwat oor Afrikaanse boeke sowel as ander onderwerpe, waaronder depressie en angs die belangrikste is.

 

         

Ook deur Marilé Cloete:

  • Logika van die liefde
  • Reg vir my
  • Uitgelewer aan die liefde
  • Moed vir die liefde
  • ’n Man vir altyd
  • Romanse in rock
  • Projek ware liefde
  • Teen haar beterwete
  • Eindelik liefde
  • Haar grootste geskenk
  • Waar sy hoort
  • Sy mooiste woorde

Vorige liefdesromans onder die naam Alta Cloete:

  • Net ’n mens
  • Opdrag van oorkant
  • Seisoen van lig en donker
  • Seisoen van vervulling
  • Seisoen van vergifnis

Vir meer inligting oor Alta Cloete se liefdesromans, gaan na www.altacloete.wordpress.com en kyk by die hofie SKRYFWERK! 

Kommentaar (11)

  1. AntwoordSonja
    Hi Marilé Ek was absoluut mal oor jou boek "Geur van Genade"!! Ek kan nie wag vir volgende maand waar daar nog 'n lekker dik boek - ons het mos 'n lekker week vakansie - wag om gelees te word nie. Groete Sonja
  2. AntwoordMarile Cloete
    Sonja, dis woorde soos joune wat skrywers laat aanhou skryf! Ek hoop jy hou van Geur van vergifnis ook - Mariaan is nie 'n katjie om sonder handskoene aan te durf nie!
  3. AntwoordCynthia Robertson
    Hi Alta Ek is tans besig om my hand te waag aan my eerste Roman, en soos jy self weet is dit heel anders as die Romanzas! Maar nogtans 'n lekker proses. Ek bly in Ierland op die oomblik, en het dus vir Lapa gevra om jou boek vir my te stuur sodat ek bietjie meer touwys kan raak. Wat 'n heerlike verassing!!! Jou karakters was so geloofbaar, en ek moet vir jou sê, dis nou 'n WARE liefdesverhaal. Mariaan was vir hom lief met of sonder sy bene, soos liefde is. En met haar sigarette, drank en taal, nie volmaak nie, soos die mense wat ons werklik liefhet en is. Knap gedaan, as ek maar NABY jou talent kan kom. :-) Baie groete Cindy
    • AntwoordMarile Cloete
      Hallo Cindy! Baie dankie vir jou mooi woorde - komende van 'n mede-skrywer dra dit sommer ekstra gewig. Ja, ek was eintlik waaghalsig (of effens gek of baie dom!) om juis vir Mariaan en Marius te kies, maar hulle het my eintlik gekies. En dit wil lyk of dit gewerk het, waaroor ek dankbaar is. Het jy al op ons skrywerontwikkeling blog die posts gesien oor die verskille tussen die romanse en die LR. Dit kan jou dalk help, want dis mos maar baie moeilik om die verskille vas te pen. Verder is ek baie geinteresseerd in Ierland. Droom al lank om daar uit te kom, en dit wil lyk of dit dalk in Julie/Aug 2012 kan waar word, wanneer my man 'n kongres in Edinburgh het. Ons wil graag probeer om die twee seuns (een is in Noorweë, die ander hier) te kry om dan 'n bietjie deur Skotland en Ierland te ry. Hoop maar die skip met die geld kom intussen hier ankers gooi! :) Groete!
  4. AntwoordCynthia Robertson
    Wel, as ek nog hier is teen daardie tyd, laat weet my asb dan gaan drink ons koffie (of Guinness :-) ) Dit sal so lekker wees. Nee, ek het nog nie die skrywers ontwikkelingsblog gesien nie; tot April het ek voldag gewerk en het dit broekskeur gegaan met tyd. Kan jy my dalk beduie soontoe? Baie dankie en lekker dag Cindy
    • AntwoordMarile Cloete
      Dit kan net lekker wees! (Erens sal ek seker moet leer bier drink!) Die SO-blog is by www.skrywerontwikkelling.wordpress.com. Daar is baie lekker kort, verteerbare wenke. As jy teruggaan na die ouer posts, sal jy 'n paar stukkies deur my en Chanette kry oor die verskil tussen die romanse en LR. Sterkte!
  5. AntwoordRonelle
    Hallo Alta Ek was sooo gelukkig om GEUR VAN VERGIFNIS in ons biblioteek te kry en moes vinnig lees, want daar is 'n waglys. Baie dankie vir die eg menslike verhaal. Jy moet glad nie dink Vergifnis staan enige tree terug vir Genade nie! Albei baie goeie en puik boeke! Ek is nou net nuuskierig om Vivien en Herman se verhaal ook te lees en dan die kinders! Wanneer vlieg julle? Julle moet dit baie geniet! Groete Ronelle
    • AntwoordMarile Cloete
      Ronelle, ek vermoed ek het jou per e-pos geantwoord voor ek weg is, maar is nou glad nie seker nie. Die ou kop ... :) In elk geval - groot dankie vir jou mooi woorde. Dit beteken vir my baie! Hoop jy stap nog die pad van die volle reeks saam met my. (Die eerste Seisoen-boek verskyn DV in Mei.) Groete!
  6. AntwoordRonelle
    Jislaaik Marile, ek is so bly! Baie geluk! Laas toe ons gepraat het was daar nog bietjie onsekerheid by jou! Ek kan nie wag om oor die kinders te lees nie! Baie sterkte!
  7. Antwoordjohanelle
    Hi Alta, met 'n baie seer hart het ek vanmiddag die laaste bladsy van Seisoen van vergifnis klaar gelees. Ai, dit is 'n uitsonderlike verhaal. Soveel dinge en op die ou einde soveel genade. Baie, baie dankie! Wanneer is die volgende een klaar? En oor wie gaan dit? Ek is baie baie nuuskierig! Ja, ek weet jy lei dalk nog aan jetlag! Maar ek kan nie wag nie! Sterkte met alles en ek kyk uit vir die volgende ene!
    • AntwoordAlta Cloete
      Vreeslik bly as jy dit geniet het! As dinge reg verloop, behoort die volgende een in Jan. 2013 op die rakke te wees. En nee, ek gaan nie sê oor wie dit is nie! :)

Los 'n boodskap

Jou epos adres sal nie gepubliseer word nie.

U mag hierdie HTML tags en eienskappe gebruik:

<a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>