Thea Holland

Kommentaar (11)

1. Oktober 24, 2010dirnaackermann

   Hallo Thea, ek wens hierdie blog het klank gehad dat jy kan hoor hoe ek vir jou hande klap. Jy het iets reggekry wat ek nie gedink het moontlik is nie. En dis om my 'n boek wat in die eerste persoon geskryf is, te laat lees. Ek haat stories in die eerste persoon en vermy dit gewoonlik soos die pes. MAAR nou die dag staan ek in 'n boekwinkel, sien jou Onverstandige Vrou en besef ek het dan nog niks van jou gelees nie. Ek koop dit summier, (gelukkig sonder om binne-in te kyk) kom by die huis en met die oopmaak, sien ek ... eerste persoon. Teleurgesteld gooi ek dit eenkant. Die middag gaan ek bietjie rus en besluit, ag, kyk tog maar daarna. Jy het dit dan nou gekoop. EN hier is nou die punchline! Ek kon dit nie neersit nie!!! Ek het dit sooooooooooo geniet! Baie dankie vir n heerlike leesavontuur! Jy het die heerlikste skryfstyl. So reg in my smaak! Doe so voort! Ek is nou op soek na nog van jou titels.
2. Oktober 30, 2010theaholland

   Komende van jou is dit vir my ’n yslike kompliment! Jy sien, van al die Romanzas wat ek al gelees het, het ek die meeste van jou en Magdaleen Walters se boeke gehou. Die ander boek, "Nog ’n Casanova", is lankal nie meer in druk beskikbaar nie, maar is nog, saam met "’n Onverstandige Vrou", as e-boek beskikbaar by Kalahari.net en ’n paar ander web-plekke. O ja. Ek kan jou verseker dat die boek waaraan ek nou werk, nié in die eerste persoon geskryf is nie ...
   • Oktober 30, 2010Dirna Ackermann

     Sjoe, en daar kleur jy my Saterdag sommer helder pienk! Of dalk pers ook! (ek is gek oor pers!) Ek weet nie waar jy bly nie, maar sien Madelie het gewonder of jy na Chanette se boekbekendstelling kom? Sal heerlik wees om jou te ontmoet. Ek gaan verseker kyk of ek Casanova as e-boek kan kry. Jy kan maar weer die eerste persoon takel, ek dink hoeka jy is baie dapper. Lyk vir my of dit nie maklik kan wees nie. Mooi loop en lekker werk. Ek sit met n ms wat einde Nov moet klaar en o koekemakranka, daar is nog baie om te doen. Seën en vrede
3. November 3, 2010Rika Du Plessis

   Thea, ek is baie agter met my leeswerk, maar ek was vandag geforseer om niks anders te doen as lees nie, want ons krag was driekwart van die dag af. Ek het jou "'n Onverstandige vrou" gelees, en het jou karakters geloofwaardig gevind, die storie geniet en sommer net lekker gelees.
   • November 4, 2010theaholland

     Dankie, Rika! Ek is bly (en verlig) dat jy van die storie hou. En ek is régtig bly die krag was af ...
4. April 9, 2012ameliastrydom

   Hi Thea, wou jou net laat weet dat ek hierdie langnaweek jou Doodgewone Wonderwerk gelees en vreeslik geniet het. Dis sommer hoog op my lysie van gunsteling Romanzas. Ek sien uit na 'n Onverstandige Vrou en hoop jy skryf sommer nog baie!
   • April 13, 2012theaholland

     Dankie, Amelia. Jammer ek reageer nou eers, maar jy weet hoe besig 'n mens met allerhande ander dinge kan raak! Dis vir my 'n groot kompliment dat jy van die boek gehou het.
5. April 10, 2012dirnaackermann

   Hoe bly is ek nou vir Amelia se skrywe, want dis toe 'n aanmaning dat ek dit ook wou doen en toe nie so naby gekom het nie. Ek het (voel vir my) laaaank gewag vir iets nuuts van jou, en toe 'n rukkie gelede Doodgewone Wonderwerk gelees. En sowaar, daar doen jy dit toe weer!!! Ek MOES dit eenvoudig in een sitting klaarmaak! Heerlik, Thea, absoluut heerlik!!!!!
   • April 13, 2012theaholland

     Ja-nee, ek het langer as gewoonlik gesukkel met Wonderwerk, hoofsaaklik omdat die heldin so jonk is, maar natuurlik ook omdat ek bloot stadig is. Gelukkig het ek 'n baie goeie verskoning vir die boek waaraan ek op die oomblik werk: Hy kom nie klaar nie want die lewe val my aanhoudend in die rede. Jy weet hoe dit is. Ek moes trek, ek moes nesskop op 'n nuwe plek, daar was etlike rampe wat ek moes hanteer, en boonop was dit blykbaar die mooiste somer in jare op Bettysbaai, dus moes ek aanhoudend see toe gaan ... Jou reaksie kom op presies die regte oomblik - ek sal beslis nou gaan sit en die knoop in my nuwe heldin se hart begin lostorring.
6. Desember 15, 2012Bets Smith

   Thea, ek het pas (hier by die see!) jou Doodgewone WOnderwerk gelees, en dit gate uit geniet. Dis 'n heerlike storie en ek sien uit na nog baie.
   • Desember 19, 2012theaholland

     Dis nou 'n lekker ding om te hoor! Ek hoop jou ma het nie gedink die heldin is te voor op die wa nie.